Related Posts
Category : Sports
અરુણ જેટલી સ્ટેડિયમને બોમ્બથી ઉડાવી દેવાની ધમકી નીકળી અફવા, વધારવામાં આવી સુરક્ષા.
ભારત અને પાકિસ્તાન વચ્ચે ચાલી રહેલા તણાવ વચ્ચે દિલ્હી અને જિલ્લા ક્રિકેટ એસોસિએશનને અરુણ જેટલી સ્ટેડિયમને બોમ્બથી ઉડાવી દેવાની ધમકી મળી હતી. ધમકી મળતાં જ દિલ્હી પોલીસની ટીમ બોમ્બ સ્ક્વોડ અને ડોગ સ્ક્વોડ સાથે ઘટનાસ્થળે પહોંચી ગઈ અને સ્ટેડિયમનું નિરીક્ષણ કર્યું. જોકે, અધિકારીઓએ જણાવ્યું હતું કે સ્ટેડિયમમાં બોમ્બ હોવાની વાત અફવા સાબિત થઈ છે. તપાસ દરમિયાન તેમને કોઈ શંકાસ્પદ વસ્તુ મળી ન હતી.
અરુણ જેટલી સ્ટેડિયમની વધારવામાં આવી સુરક્ષા
ડીડીસીએના સેક્રેટરી અશોક શર્માએ જણાવ્યું હતું કે તેમને ડીડીસીએના ઈ-મેલ પર સ્ટેડિયમને ઉડાવી દેવાની ધમકીઓ મળી હતી. તેણે તરત જ તે દિલ્હી પોલીસને જાણ કરી હતી. દિલ્હી પોલીસની બોમ્બ સ્ક્વોડ ટીમ સ્ટેડિયમમાં આવી અને સમગ્ર સ્થળની તપાસ કરી પરંતુ કંઈ મળ્યું નહીં. દિલ્હી પોલીસના સૂત્રોએ જણાવ્યું કે માહિતી મળ્યા બાદ ઘણી ટીમો સ્ટેડિયમ પહોંચી અને તેની સંપૂર્ણ તપાસ કરી હતી.
સૂત્રો એ જણાવ્યું હતું કે, તપાસ દરમિયાન તેમને કંઈપણ શંકાસ્પદ મળ્યું નથી, પરંતુ તેમ છતાં તેમણે સ્ટેડિયમ અને તેની આસપાસ સુરક્ષા વધારી દીધી છે. એ જ રીતે ચેન્નાઈમાં પણ બોમ્બથી ઉડાવી દેવાની ધમકી આપવામાં આવી હતી અને કહેવામાં આવ્યું હતું કે જો ત્યાં ક્રિકેટ મેચ યોજાશે તો બોમ્બ ફૂટશે. પોલીસ અધિકારીઓએ જણાવ્યું કે આ મામલાની તપાસના આદેશ આપવામાં આવ્યા છે. પોલીસે જણાવ્યું હતું કે ધમકી ઈ-મેલ દ્વારા આપવામાં આવી હતી.
બીસીસીઆઈએ આઈપીએલ એક અઠવાડિયા માટે મુલતવી રાખી
BCCI એ 9 મેના રોજ સત્તાવાર રીતે IPL 2025 ને એક અઠવાડિયા માટે મુલતવી રાખવાની જાહેરાત કરી છે. 22 એપ્રિલના રોજ પહેલગામમાં થયેલા આતંકવાદી હુમલાના જવાબમાં ભારતની લશ્કરી કાર્યવાહી અને રાષ્ટ્રીય સુરક્ષાની ચિંતાઓને ધ્યાનમાં રાખીને આ નિર્ણય લેવામાં આવ્યો હતો. તમને જણાવી દઈએ કે 08 મેના રોજ ધર્મશાલામાં પંજાબ કિંગ્સ અને દિલ્હી કેપિટલ્સ વચ્ચે રમાયેલી મેચ પણ અધવચ્ચે જ રોકી દેવામાં આવી હતી. મેચ દરમિયાન ધર્મશાલામાં બ્લેકઆઉટ થયું હતું. જે બાદ આ મેચ રદ કરવામાં આવી હતી.
Load more
